Call us at +250 784 261 800
E-mail: info@bethelchurches.net

Inyigisho

Inyigisho zose mwazisanga hano

Apostle NKURUNZIZA François

IMBARAGA Z'IMANA MU BIKORWA

1 Abakorinto 2:1-5," Ni cyo gituma bene Data, ubwo nazaga iwanyu ntaje ndi umuhanga n’intyoza yo kuvuga, cyangwa mfite ubwenge buhebuje mbabwira ibihamya by’Imana, kuko nagambiriye kutagira ikindi mbamenyesha keretse Yesu Kristo, ari we Yesu Kristo wabambwe. Nabanaga namwe mfite intege nke, ntinya mpinda umushyitsi mwinshi, n’ibyo navugaga nkabwiriza ntibyari amagambo y’ubwenge yo kwemeza abantu, ahubwo byari ibigaragaza Umwuka n’imbaraga, kugira ngo kwizera kwanyu kudahagararira ku bwenge bw’abantu, ahubwo mu mbaraga z’Imana. "

Ukwizera kwacu ntigukwiye kubakira ku mitekerereze iyobora isi cyangwa ikindi ahubwo kw'Ijambo ry'Imana n'imbaraga zayo zirihamiriza! Iyo Imana iri gukora , utarabibonesha amaso y'umubiri bizahora ari nk'inzozi. Ibi ni ukubera ko imbaraga z'Imana ntabwo zisobanurwa n'ubwenge bwa kimuntu.

Ukwizera k'umwimerere ni ugushingiye kw'ijambo ry'Imana kandi imbaraga zaryo rigusohoza . Ijambo ry'Imana n'umwimerere kandi ntabwo ryahindutse ahubwo impamvu zitandukanye nizo zitubuza kubona kugaragara kw'izo mbaraga.

Izo mbaraga z'Imana rihishura kuri uwo wavutse ubwa kabiri. Kuko utamenya Imana binyuze mu bwenge bwa kimuntu. Kuko Ijambo ry'Imana rifite muriryo ubwenge burenze kuruta ubw'abantu kandi ntabwo butahurwa cyangwa ngo bwizerwe binyuze mu mitekerereze yashyizweho n'abantu.

Matayo 28:18," Nuko Yesu arabegera avugana na bo ati “Nahawe ubutware bwose mu ijuru no mu isi."

Yesu Kristo ntabwo yadusigiye amagambo yanditswe mu inyandiko gusa n'ibidashoboka. Ahubwo yadusigiye imbaraga n'ubushobozi. Ntucike intege gusa ureke ukwizera gukomeze gushingire ku kuri kw'Ijambo ry'Imana no mu mbaraga zaryo zirisohoza. Kuko igihe cyose ubasha kuba uhumeka ibintu byose birashoboka. Yesu yaduhaye misiyo n'imbaraga ziyisohoza.

Umwanditsi

Inyigisho mu majwi
Izindi Nyigisho